Поддршка на иницијативата за донирање и споделување книги од жени авторки

На покана на Stella Network, ЈОУ Библиотека „Искра“ даде поддршка на иницијативата за донирање и споделување книги од жени авторки ,,Сподели авторка”. Иницијатива за поздрав која придонесува за афирмација на женското творештво во јавните библиотеки низ Македонија.

Библиотеката донираше книги од роднокрајни авторки кои благодарение на организаторите ќе бидат дистрибуирани во повеќе градови низ Македонија, а за возврат добивме подарок 50 наслови од жени авторки од различни градови од Македонија.