Menu

Наслови

не-напустај-ме-1080x1267

Не напуштај ме – Шеви Стивенс

Пред единаесет години, Линдзи Неш побегнала од својот насилен сопруг сред ноќ, заедно со својата мала ќерка. Нејзиниот бивши сопруг, Ендру, завршил во затвор, а Линдзи започнала нов живот.
Сега, Линдзи е постара и помудра; има сопствен бизнис и ќерка тинејџерка на која ѝ е потребна повеќе од кога било. Кога Ендру конечно излегува од затвор, Линдзи сака да верува дека се пресечени сите конекции меѓу нив и дека минатото е далеку зад неа.
Но има чувство дека некој ја набљудува, се чувствува како некој да го следи секој нејзин потег. Нејзиното ново момче добива закани. Некој ѝ влегува дома. Некој ја следи нејзината ќерка. Линдзи е убедена дека тоа е нејзиниот поранешен сопруг, иако тој тврди дека сега е комплетно различна и променета личност. Но дали навистина е променет? Или постои некој друг близок на семејството кој исто така претставува опасност?

Линет-1080x1267

Активна одбрана – Линет Исон

Како поранешен воен хирург во Авганистан, Хедер Фонтејн е навикната на ситуации на живот или смрт. Но едноставно не очекува дека тие ситуации ќе ја следат до дома. Кога се враќа од забава, открива дека некој ѝ упаднал во куќата – и ѝ се заканува дека ќе ги убие нејзините пријателки. Таа се надева дека ќе најде сигурност за себе и дека нејзините пријателки нема да бидат во опасност со тоа што ќе го напушти градот и ќе се скрие во мало гратче. Но, неволјата ја следи дури и таму.
За среќа, демначот не е единствениот што ја набљудува Хедер. Тревис Вокер тајно ја набљудува со недели. Како сопственик на агенција за обезбедување, тој го прави тоа професионално. Заедно, Тревис и Хедер мора да откријат кој ја сака нејзината смрт – и зошто – пред да биде предоцна.
Најпродаваната и наградувана авторка Линет Исон ќе ве натера да гледате преку рамо додека се нурнувате во оваа брза приказна, исполнета со неизвесност, авантура и многу адреналин.

Site-opustoseni-980x1150

Сите опустошени места – Џон Бојн

1946 година. Три години по катаклизмичниот настан кој им ги разнишува животите од корен, мајка и ќерка бегаат во Париз со куфери полни срам и страв, не знаејќи колку е всушност тешко да му се побегне на минатото.
Речиси осумдесет години подоцна, Гретел живее живот кој е далеку од нејзиното трауматично детство; мирен и удобен, и покрај нејзиното мрачно и вознемирувачко минато. Таа не зборува за бегството од нацистичка Германија, не зборува за тешките повоени години во Франција, но најважно, не зборува за татко ѝ, командант на еден од најозлогласените логори на Рајхот.
Кога во нејзината зграда во Лондон се вселува нов пар, појавувањето на нивниот деветгодишен син Хенри ѝ враќа спомени кои повеќе би сакала да останат закопани. Но посилно е од неа, па Гретел се спријателува со момчето. Една вечер, таа е сведок на вознемирувачка, насилна расправија помеѓу прекрасната мајка на Хенри и неговиот арогантен татко. Соочена со изборот помеѓу сопствената безбедност и неговата, Гретел се враќа на слични крстопати како многу одамна. За да му помогне на момчето, треба да ги открие тајните кои ги чува целиот свој живот. Но овој пат може да донесе поинаква одлука од претходно – без оглед на цената која ќе треба да ја плати за храброста…

Лиса-Гарднер-1080x1267

Пред таа да исчезне – Лиса Гарднер

Една обична жена нема да дозволи ништо да ја запре да ги пронајде исчезнатите луѓе кои остатокот од светот ги има заборавено.
Френки Елкин е просечна средовечна жена, зависничка од алкохол во фаза на лекување, со куп нешта во животот за кои се кае.
Но сега го поминува времето правејќи го она што никој друг не го прави – бара исчезнати луѓе кои светот престанал да ги бара. Кога полицијата се откажува, кога јавноста заборава, кога медиумите престануваат да обрнуваат внимание, тогаш Френки почнува да бара.
Нов случај ја води во бостонско соседство со лоша репутација. Ја бара Анжелик, тинејџерка со потекло од Хаити, која исчезнала од своето средно училиште пред неколку месеци. Отпорот на бостонската полициска станица и семејството на жртвата ѝ даваат до знаење дека е препуштена сама на себе . Но ништо нема да ја спречи да ја открие вистината, па макар тоа значело следната исчезната личност да биде лично таа.

Sultanot-od-vizantija-980x1150

Султанот од Византија – Селџук Алтун

При одбраната на Цариград од отоманските освојувачи во 1453 година, загинал царот Константин XI, а неговото тело никогаш не е пронајдено. Легендата вели дека пребегнал со брод на трговци од Џенова, на тој начин избегнувајќи сигурна смрт, и станал Бесмртен цар.
Пет века подоцна, тројца мистериозни мажи се поврзуваат со младиот професор од Истанбул, како членови на тајно друштво, коешто наследството на Бесмртниот цар им го пренесува на идните генерации и му обзнануваат дека тој ја продолжува владејачката лоза. За да ја преземе контролата над огромното богатство, ќе мора да ги исполни последните желби на своите предци: да помине низ тешки и пред сè мистериозни обреди за иницијација, коишто ќе ја стават на сериозна проба силата не неговата волја.
Во стил на Умберто Еко, Алтун ни ги открива најскриените мистерии на древниот Константинопол и современиот Истанбул, испреплетувајќи ги историјата и фикцијата во неразмрсиво раскажувачко клопче коешто го остава читателот без здив сè до возбудливиот расплет.

Бидете во тек 

Пријавете се да ги добивате најновите настани и пристигнати книги.